Shkup, 17 nëntor 2025 (MIA) – Çmimet e ushqimit me kujdes ndiqen dhe për momentin planifikohen masa që të parandalohet rritje e tyre eventuale, tha sot zëvendësministri i Ekonomisë dhe Punës, Marjan Risteski. Ai njoftoi se nga gjobat e deritanishme për sjellje jotregtare të tregtarëve, janë paguar 150 milionë denarë ose 2,5 milionë euro të cilët janë derdhur në buxhetin shtetëror. 

Duke u përgjigjur në pyetjet e gazetarëve, Risteski paralajmëroi rritje të gjobave për mosrespektim të Ligjit për praktika tregtare. Siç sqaroi, 20.000 euro janë në fakt shuma minimale, veçanërisht për zinxhirët më të mëdhenj të marketeve të cilat shumë lehtë mund ta parashtrojnë. Këto ndryshime ligjore pritet të miratohen dhe të fillojnë të vlejnë në fillim të vitit 2026. 

Zëvendësministri theksoi edhe se është paraparë përgatitje e softuerit të standardizuar për transparencë të çmimeve në markete. Do ta kenë të gjithë tregtarët dhe marketet të cilët do të duhet rregullisht ta përditësojnë. Softueri do të mund ta shfrytëzojë edhe çdo qytetar që të krijojë shportë të saj, sipas çmimeve të produkteve në rrethinën e tyre. 

“Ligji për praktikat e padrejta tregtare duhet të respektohet në masën maksimale. Ne kemi kontakte të rregullta me Komisionin për Mbrojtjen e Konkurrencës dhe nga ajo që kemi mësuar prej tyre, deri më tani kanë paraqitur rreth 30 urdhëresa për gjoba. Këto procedura janë para Gjykatës Administrative. Sa i përket shumës së gjobave të vendosura për mosrespektim të këtij Ligji, duhet të presim së shpejti vendime përfundimtare nga Gjykata Administrative. Përndryshe, gjatë kësaj periudhe kemi shumë më tepër raporte nga furnizuesit të cilët janë shumë më të inkurajuar sesa në fillim kur filloi zbatimi i Ligjit. Pres që në të ardhmen të ketë edhe më shumë furnizues të tillë të guximshëm të cilët shantazhohen nga disa nga tregtarët”, theksoi Risteski pas fillimit të Javës së Sipërmarrjes.

Në lidhje me dënimet rritja e të cilave planifikohet pas Vitit të Ri, zëvendësministri theksoi se kur ata do të jenë më të larta dhe më shumë do të “godasin” në xhepin e tregtarëve të cilët e luajnë Ligjin, atëherë Ligji edhe më shumë do të respektohet. 

Risteski është i vendosur deri më tani nuk do të ketë masa të reja në lidhje me çmimet e ushqimeve. 

“Kemi kontakte të rregullta me Inspektoratin Shtetëror të Tregut (ISHT), i cili këtë vit ka kryer një rekord prej mbi 20.000 inspektimesh në të gjitha subjektet në të gjithë territorin e Maqedonisë, dhe janë shqiptuar gjoba për mosrespektim të ligjeve, veçanërisht në lidhje me sjelljen jotregtare të tregtarëve dhe tregjeve të caktuara. Në lidhje me rritjen e çmimeve dhe mosrespektimin e masave të mëparshme, janë shqiptuar gjoba prej 150 milionë denarësh, 2,5 milionë euro janë transferuar në buxhetin e shtetit. Vazhdojmë të monitorojmë çmimet, mund të shihni se inflacioni është stabilizuar pak a shumë me një rënie të lehtë. Nëse përcaktojmë se ka rritje të tilla jo-tregtare, jologjike të çmimeve, do të shqyrtojmë se çfarë masash do të ndërmarrim. Për momentin, nuk do të ketë masa”, theksoi zëvendësministri. fc/