Tiranë, 3 nëntor 2025 (MIA) - Punimet e fazës së dytë të aksit rrugor Elbasan - vendkalimi kufitar Qafë Thanë, në kufirin shqiptaro-maqedonas, pranë Strugës, e cila është pjesë e Korridorit VIII, janë tashmë 80 për qind të përfunduara, njoftoi zëvendëskryeministrja dhe ministre e Infrastrukturës dhe Energjetikës e Shqipërisë, Belinda Balluku.

"Punimet në këtë rrugë të rëndësishme prej 50 kilometrash po përparojnë me ritëm të shpejtë, gjithnjë e më shumë çdo ditë. Janë ndërtuar nënkalimi hekurudhor dhe mbikalimi automobilistik, ndërsa formimi i strukturës rrugore po përparon me ritëm të shpejtë", shkroi ajo në një postim në Fejsbuk.

Ajo shton se kjo rrugë do të lidhë portin e Durresit me vendkalimin kufitar të Qafë Thanës, për të vazhduar më tej drejt Maqedonisë së Veriut dhe Bullgarisë.

"Rruga është pjesë e Korridorit VIII, do të jetë e kategorisë B, me katër korsi, nga 3.75 metra secila, me një ndarje trafiku prej 1.8 metrash midis zonës së gjelbër dhe korsive anësore në anën e bregut të lumit, dhe do të lejojë një shpejtësi maksimale prej 110 kilometrash në orë", deklaron ajo.

Nëse deri tani përshkimi i rrugës nga Qafë Thana në Elbasan zgjaste 1 orë e 30 minuta, kjo distancë do të përshkohet vetëm për 35 minuta.

Ndërtimi filloi në dhjetor të vitit 2022, u hap për trafikun e automjeteve në fillim të qershorit të vitit të kaluar, me dy korsi dhe ndërtimi i plotë është planifikuar të përfundojë këtë vit. sa/

Foto: Balluku FB