Софија, 17 јули 2024 (МИА) - „Pictoplasma“ поканува уметници, сликари, илустратори и аниматори од целиот свет, инспирирани од темата на Балканот, да учествуваат на изложбата „Imagine Balkans“, известуваат од тимот на фестивалот.

Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.

„Ги прашуваме уметниците како го гледаат Балканот – дали се работи за вековните традиции на фолклорот, храната, музиката, суеверија, митови и легенди, „балканските страсти“ или токму спротивното – тоа се места кои одамна се трансформирани во нешто друго од модерните влијанија и начин на живот. И зошто да не хибридна мешавина од двете? Очекуваме нестандардни, свежи и навистина колоритни предлози за ликови со балкански карактер во три категории: графички дизајн и илустрација, видео анимација и разиграна скулптура - од скулптура, инсталација и играчки до дизајн на производи и мода“, коментираат организаторите.

Како што напиша БТА, настанот ќе се одржи од 6 до 8 септември во Варна. Оваа година фестивалот ја надминува нашата земја и ќе ги претстави најталентираните водечки имиња во светот на дизајнот на ликови од Балканот.

Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.

фото: БТА