Moskë, 7 dhjetor 2025 (MIA) - Rusia e mirëpriti strategjinë e re kombëtare të sigurisë së SHBA-së si një hap pozitiv për marrëdhëniet dypalëshe, thuhet në deklaratën e zëdhënësit të Kremlinit, Dmitrij Peskov, të publikuar sot.

Revizioni i administratës së Trampit, i cili më nuk e thekson Rusinë si kërcënim të drejtpërdrejtë, është një hap pozitiv, deklaroi Peskov për agjencinë shtetërore gazetareske Tas.

Siç transmetoi DPA, ai tha se Moska me kujdes do ta studiojë strategjinë e përditësuar, duke theksuar se kjo ndryshon nga qasjet e mëparshme amerikane ndaj Rusisë.

Shtëpia e Bardhë të enjten e publikoi strategjinë e re të sigurisë. Edhe pse identifikon përfundimin e luftës në Ukrainë si një interes kyç amerikan, dokumenti përmban pak vërejtje kritike për Rusinë.

Strategjia thekson se përfundimi i armiqësive është i domosdoshëm "për stabilizimin e ekonomive evropiane, parandalimin e përshkallëzimit ose zgjerimit të padëshiruar të luftës", dhe bën thirrje në "qëndrueshmëri strategjike" me Moskën.

Në të kundërtën, ajo kritikon Evropën, duke theksuar uljen e dmeokracisë dhe lirisë së shprehjes, dhe bën thirrje për masa korrigjuese.  Ajo thekson çështjet që përfshijnë politikat e migracionit, "censurën e lirisë së shprehjes dhe shtypjen e politikës opozitare, uljen e natalitetit dhe humbjen e identitetit kombëtar dhe vetëbesimit". sa/

Foto: DPA