Moskë, 6 nëntor 2025 (MIA) - Kremlini nuk beson se bota moderne është më afër luftës bërthamore sesa ishte gjatë krizës së Karaibeve (Kubës) në tetor të vitit 1962, tha zëdhënësi i presidentit rus Dmitrij Peskov, duke iu përgjigjur një pyetjeje nga agjencia e lajmeve TASS.

"Ne nuk do të merrnim konkluzione të tilla", tha ai, duke komentuar urdhrin e presidentit Vladimir Putin për të studiuar mundësinë e fillimit të përgatitjeve për testet bërthamore dhe testet e kryera së fundmi të raketës "Burevestnik" dhe mjetit nënujor "Poseidon", të cilat tashmë kanë filluar të quhen "armë të Ditës së Gjykimit".

Me deklaratën e tij, Peskov relativizon kërcënimin e përshkallëzimit, i cili u shfaq pas njoftimeve për testimin e armëve strategjike dhe përgatitjeve të mundshme për teste bërthamore. sa/

foto: arkivi