Nju Jork, 1 janar 2026 (MIA) - Bahreini, Kolumbia, Republika Demokratike e Kongos, Liberia dhe Letonia janë anëtarët e rinj jo të përhershëm të Këshillit të Sigurimit të KB-së me mandat dyvjeçar.

Anëtarët e rinj jo të përhershëm të Këshillit të Sigurimit të KB-së i bashkohen sot Danimarkës, Greqisë, Pakistanit, Panamasë dhe Somalisë, të cilat kanë qenë anëtarë jo të përhershëm të Këshillit të Sigurimit të KB-së që nga 1 janari i vitit të kaluar.

Këshilli i Sigurimit i KB-së ka 15 anëtarë, pesë prej të cilëve janë të përhershëm me të drejtë vetoje - Franca, Britania e Madhe, Shtetet e Bashkuara të Amerikës, Kina dhe Rusia, ndërsa 10 zgjidhen për një periudhë dyvjeçare, por me pesë anëtarë që zëvendësohen çdo vit.

Anëtarët jo të përhershëm zgjidhen në bazë rajonale.

Mandatet dyvjeçare të përfaqësuesve të Algjerisë, Gujanës, Koresë së Jugut, Sierra Leones dhe Sllovenisë përfunduan më 31 dhjetor 2025. sa/

foto: Arkivi