Budapest, 3 prill 2025 (MIA) - Kryeministri hungarez Viktor Orban e ka mbështetur kolegun e tij izraelit Benjamin Netanjahu në hedhjen poshtë të urdhrit për arrestim të lëshuar nga Gjykata Penale Ndërkombëtare (GJPN).

"Kjo gjykatës është e degraduar deri në mjet të politikës", tha Orban në deklaratën e përbashkët për shtyp me Netanjahun në Budapest. Ai shtoi se qëndrimi i Gjykatës është evident në vendimet e tij lidhur me Izraelin.

Ai tha se "Hungaria nuk do të marrë pjesë në këtë" dhe konfirmoi se vendi i tij po tërhiqej nga Statuti i Romës, dokumenti themelues i GJPN-së.

Netanjahu e ka falënderuar Orbanin për mbështetjen që Izraeli merr nga Hungaria. Duke njoftuar tërheqjen e Hungarisë nga GJPN-ja, Orban ka treguar një "qëndrim të guximshëm dhe parimor", deklaroi Netanjahu.

GJPN ka lëshuar ​​një urdhër arresti ndërkombëtar për Netanjahun në nëntor për krime të dyshuara lufte dhe krime kundër njerëzimit në luftën e Gazës.

Netanjahu hedh poshtë akuzat dhe pretendon se gjykata ndërkombëtare po përpiqet të sfidojë të drejtën e Izraelit për vetëmbrojtje në luftën e tij kundër milicisë terroriste të Hamasit në Rripin e Gazës, kujton DPA. mb/

Foto. EPA