Teheran, 16 janar 2026 (MIA) – Përfaqësuesit iranianë të sigurisë sot njoftuan se arrestuan rreth 3.000 persona në lidhje me grupet terroriste në trazirat e fundit, përderisa priftë dhe autoritetet lokale bënë thirrje për aksion vendimtar gjyqësor. 

Të arrestuarit përfshijnë udhëheqës grupesh, individë me lidhje me Izraelin, individë të armatosur dhe ata që dëmtuan pronën publike gjatë trazirave, dhe se disa nga të arrestuarit ishin të përfshirë në sulme vdekjeprurëse dhe sulme zjarrvënëse ndaj ndërtesave publike, xhamive dhe hedhje armësh ndaj forcave të sigurisë, raportoi rrjeti iranian Pres TV.

Ata shtojnë se paqja është kthyer në shumë mjedise urbane edhe krahas përpjekjeve të vazhdueshme të "armiqve të huaj” të Iranit që të nxisin trazira. 

Mediat iraniane njoftojnë për varrime dhe komemoracione të shumëfishta për anëtarë të forcave të sigurisë dhe civilë të vrarë nga persona të armatosur. 

Autoritetet lokale në mbarë Iranin njoftuan për arrestime të liderëve të grupeve. 

Në provincën Golestan, policia tha se zbuloi një seli në një shtëpi në qytetin Azadshahr dhe arrestoi udhëheqësin kryesor të trazirave të armatosura, i cili pranoi se kishte qëlluar me pushkë civilët dhe forcat e sigurisë, si dhe pranoi organizimin e djegies së automjeteve me benzinë ​​dhe kryerjen e sulmeve me thika, shpata dhe kokteje molotov.

Në qytetin bregdetar jugor Bandar Abas, policia njoftoi se ka arrestuar 10 persona të akuzuar për formimin e “bandës terroriste” të përfshirë në organizimin e protestave të dhunshme. 

Policia njoftoi se bastisjet në tre vende shkaktuan konfiskimin e 65 koktej molotovëve, armë zjarri të përgatitura me dorë, materiale për përgatitjen e bombave, marrës sinjalesh satelitore dhe pajisje të tjera.

Në Iranin perëndimor, guvernatori i përshkroi trazirat si "kryengritje të madhe, të paraplanifikuar dhe plotësisht terroriste", duke e krahasuar atë me veprimet e grupit terrorist Muxhahedin-e-Kal në vitet e para pas revolucionit të vitit 1979, duke shtuar se shërbimet e inteligjencës amerikane dhe izraelite furnizuan me armë dhe drejtuan dhunën.

Policia në provincën e Teheranit njoftoi gjithashtu arrestimin e një djali 18-vjeçar i cili veproi si udhëheqës lokal gjatë protestave në qytetin Shahr Kuds, ndërsa në një video të publikuar nga policia, adoleshenti thotë se ishte i ndikuar nga mediat e huaja anti-iraniane, mori pjesë në hedhjen e gurëve dhe më vonë u pendua për veprimet e tij, duke kërkuar falje publikisht. fc/

Foto: X