Banja Llukë, 18 nëntor 2025 (MIA) - Ish ambasadori amerikan, Uillijam Montgomeri, deklaroi se SHBA-ja tani ka një president qasja e të cilit ndaj Ballkanit Perëndimor është i ndryshëm dhe se është i sigurt se pikëpamja e tij në Republikën e Serbisë, gjithashtu, do të jetë e ndryshme, siç tregohet dhe shfuqizimi i sanksioneve. 

Montgomeri sot në Banja Llukë deklaroi se SHBA-ja dhe administrata e re amerikane tani punojnë për të ndryshuar marrdhëniet me Ballkanin Perëndimor. 

"Është shenjë e mirë që sanksionet janë shfuqizuar dhe nëse dikush do të punojë për të ndryshuar këtë marrëdhënie, ajo është administrata e Donald Trampit", tha Montgomeri para studentëve në Fakultetin e Filozofisë në lidhje me librin e tij "Jetë jo/diplomatike - të përkthyera në gjuhën serbe". 

Montgomeri theksoi se ekzistenca e Zyrës së përfaqësuesit të lartë është një nga çështjet më urgjente me të cilat ai personalisht ka problem, sepse 30 vjet pas luftës ka përfaqësues të lartë dhe BeH nuk e ka vendin e saj në duart e veta.

"Është sikur të jetë një vend i kategorisë së dytë. Është koha që këto gjëra të ndryshojnë", tha Montgomeri, transmeton Srna.

Duke folur për 30-vjetorin e nënshkrimit të Marrëveshjes së paqes së Dejtonit, Montgomeri tha se ajo duhet të shihet në dritën e marrëveshjes së armëpushimit që u dha të gjitha palëve mundësinë të kërkonin të drejtat e tyre dhe të përdornin periudhën e tranzicionit për të marrë vendime dhe rezoluta të përbashkëta. 

"Në Marrëveshjen e paqes së Dejtonit që po trajtohet si fjalë e fuqishme e shkruar, ndërsa qytetarët kanë nevojë për ndryshime dhe përshtatje", tha Montgomeri. rq/

Foto: arkivi i MIA-s