Shkup, 10 nëntor 2025 (MIA) - Duke marrë parasysh trendet dhe zhvillimet gjeopolitike, është e nevojshme që procesi i zgjerimit të Bashkimit Evropian të vazhdojë dhe që Maqedonia të vazhdojë rrugën e saj drejt anëtarësimit të plotfuqishëm në BE, vlerësuan në takimin e sotëm nënkryetari i Parlamentit, Antonio Milloshoski dhe ambasadori francez në vend, Kristof Le Rigoler.

Në takim, siç informon shërbimi për shtyp i Kuvendit,  u bisedua mbi thellimin dhe avancimin e bashkëpunimit midis dy vendeve, vazhdimin e procesit të zgjerimit të Bashkimit Evropian, si dhe qasjen e vendit drejt anëtarësimit në BE.

Nënkryetari Milloshoski i përshëndeti marrëdhëniet tradicionalisht të mira dhe miqësore midis Republikës së Maqedonisë dhe Republikës së Francës, duke theksuar se ekziston dialog i hapur dhe konstruktiv midis dy vendeve dhe avancim i vazhdueshëm i bashkëpunimit në shumë fusha me interes të ndërsjellë. Vitet e fundit, ka pasur dinamizim të dialogut politik në nivelet më të larta, i cili është konstruktiv dhe miqësor.

Ambasadori Rigoler theksoi se Republika e Francës ka miratuar Strategjinë për Ballkanin Perëndimor, me qëllim që të mbështesë Bashkimin Evropian në afrimin e rajonit me Evropën, si dhe për të forcuar dialogun politik me vendet e rajonit. sa/

Foto: Kuvendi i RMV-së