Shkup, 14 nëntor 2025 (MIA) – Kryeministri Hristijan Mickoski mbetet në qëndrimin se lokacioni i SPQ “8 Shtatori” është më i miri për qendër të re klinike. Ai deklaroi sot se pas zgjedhjeve janë të përkushtuar në disa projekte të tjera infrastrukturore nga shëndetësia. 

“Ajo që po bëjmë tani pasi mbaruan zgjedhjet është të vazhdojmë, së pari, procedurën për ndërtimin e Spitalit Klinik në Shtip, Fakultetit të Mjekësisë dhe Konviktit të Studentëve, pastaj spitalin në Kërçovë me aktivitete të zgjeruara dhe rindërtimin e Spitalit Klinik në Tetovë. Mendoj se sapo të fillojë ky proces, atëherë mund t'i përkushtohemi atij për të cilin po flasim tani. Megjithatë, mendoj se ai perimetër është më i përshtatshmi, sepse ka qasje në gaz dhe infrastrukturë jashtëzakonisht të mirë të komunikacionit, dhe mendoj se në tërësi mund të shqyrtohet seriozisht me një përmirësim të lehtë për të arritur atë që duam si vend dhe pacientët që do ta marrin atë në aspektin e cilësisë. Ne nuk dorëzohemi. Kjo nuk është në konsultim me ekspertët, ky është qëndrimi im personal”, tha Mickoski.
 
Në lidhje me konstruksionin financiar, tha se duhet të shihet sa do të intervenohet në mbindërtim, modernizim, numër të shtretërve...

“Të arrijmë në atë fazë, pastaj do të ndajmë më shumë informacione me publikun”, tha Mickoski. 

Ndërtimi i Qendrës së re klinike është premtim parazgjedhor i disa qeverive deri më tani. fc/

Foto: Printskrin