Shkup, 23 janar 2025 (MIA) - Jam i gatshëm të bisedoj kudo dhe me këdo për të gjetur një zgjidhje që do të zhbllokojë procesin e anëtarësimit, por që do të jetë e përhershme, jo e menjëhershme dhe vetëm tani për tani, por një zgjidhje që do të na mundësojë negociata dinjitoze deri në fund dhe jo vetëm për hapat e parë, tha sonte nga Nju-Jorku kryeministri Hristijan Mickoski.

"Jam i gatshëm të flas dhee do të udhëtoj e do të ulem në tavolinë dhe do të flas sa të duhet me të gjithë vetëm për të gjetur një zgjidhje. Nuk kam asnjë komunikim me kryeministrin e ri të fqinjut tonë lindor, por do të isha i lumtur të takohesha me të dhe do të isha i lumtur të ulesha të bisedonim dhe të shihja se cilat janë mundësitë. Mesazhi im i vetëm në takim do të jetë që nëse marrëveshjet janë të vlefshme dhe duhet të respektohen për ne, atëherë ato duhet të jenë të vlefshme dhe të respektohen edhe për ta dhe që çështjet dypalëshe të mos jenë pjesë e procesit të negociatave", tha Mickoski në intervistën për RTVM-në.

Në lidhje me takimet e tij në SHBA me Aleksander Kasanof, ndihmës i sekretarit amerikan të shtetit për Ballkanin Perëndimor dhe i dërguar i posaçëm i Presidentit Tramp për Menaxhimin e Krizave, Riçard Grenell tha se ai kurrë nuk ka takuar një diplomat objektiv që nuk simpatizon gjithçka që ne si popull kemi bërë dhe gjithçka që ne si shtet kemi bërë në emër të integrimit evropian.

"Çështja është se si të arrihet qëllimi dhe si të zhbllokohet në mënyrë dinjitoze ky proces, i cili është bllokuar për shkak të politikave aventureske të Qeverisë së mëparshme, e cila mendonte se gjithçka do të falej në planin e jashtëm nëse do të firmosnin gjithçka që do t'u vendoset në tavolinë, ndërsa në vend ata do të mund të grabisin qytetarët dhe të shkatërrojnë shtetin. Në një sevda të tillë ekzibicioniste ata pranuan diçka që nuk arritën ta realizojnë dhe krijuan problem objektiv për integrimet evropiane", theksoi Mickoski.

Jam në dijeni, shtoi ai, për atë që ka bërë Bujar Osmani si ministër i Punëve të Jashtme dhe Dimitar Kovaçevski si kryeministër.

"E kam të qartë se ata pranuan diçka që nuk arritën ta realizojnë dhe e kam të qartë se e kanë bërë për motive të tjera fitimprurëse. Është e qartë për mua që ky është një problem dhe se do të vihet gjithmonë në tavolinë si kusht. Por nëse ai kusht vlen për ne, atëherë duhet të zbatohen edhe të gjitha kushtet e tjera, pra ato marrëveshje që janë pranuar më parë, siç është Rezoluta për respektimin e të drejtave të njeriut, siç është Marrëveshja e Fqinjësisë së Mirë. E gjithë kjo duhet të jetë obligim për të gjitha palët", theksoi Mickoski.

Ne tani, theksoi ai, kemi një detyrë sizife për t'i kapërcyer të gjitha këto dhe nëse mundemi, do ta kapërcejmë, sepse fqinji ynë lindor është në familjen evropiane dhe ne jemi jashtë dhe duam të hyjmë në atë familje.

"Në gjithë atë ambicie, ne zgjodhëm një strategji për t'i paraqitur qëndrimet tona sa më zëshëm e qartë dhe për të bërë miq, për të krijuar miqësi dhe për të gjetur aleatë për të gjetur një zgjidhje në mënyrë dinjitoze, në të cilën jam optimist. Vazhdojmë të ndërtojmë miqësi, të kërkojmë aleatë dhe të jemi sa më të qartë dhe të zëshëm në këtë proces dhe mendoj se nëse kemi kritere evropiane realiste dhe objektive "të bazuara në merita" që bazohen në arritje, jo në çështje dypalëshe, atëherë shumë shpejtë nga sot, përfundimisht pas dy dekadash do të zhbllokohet procesi inkuadrues i Maqedonisë," tha Mickoski. sa/

Foto: Arkivi i MIA-s