09:00/18 dhjetor 2025

Shkup, 18 tetor 2025 (MIA) - Në vend një nga pesë njerëz (22%) të moshës nga 16 deri në 74 vjet, këtë vit ka shfrytëzuar mjete për inteligjencën artificiale gjeneruese (IA). Shumica i kanë shfrytëzuar për qëllime personale (15,76%), ndërsa 8,55% i kanë përdorur për punë. Pothuajse një nga dhjetë (9,4%) e kanë shfrytëzuar për arsim formal.

Shkup, 4 dhjetor 2025 (MIA) - Shikueshmëri e zvogëluar për shkak të mjegullës deri në 100 mera në aksin rrugor Negotinë - Demir Kapi. Në rrugët tjera shtetërore, trafiku zhvillohet pa pengesa, nëpër rrugë kryesisht të thata. Intensiteti i komunikacionit në akset rrugore jashtë mjediseve urbane është mesatar, ndërsa në vendkalimet tjera kufitare në anën e Maqedonisë, nuk ka vonesa më të gjata për hyrje dhe dalje nga vendi, njoftoi LAMM. 

Shkup, 18 dhjetor 2025 (MIA) - Në organizim të Shoqatës ekologjike të Maqedonisë sot në Kinotekë do të mbahet tribunë shkencore "Gjendjet me ndotjen e mjedisit jetësor në Maqedoni". Në tribunë ligjerata do të mbajnë Suzana Andonova nga Ministria e Mjedisit Jetësor dhe Planifikimit Hapësinor në temën "Ndotësit perzistentë organik (POPs), profesorët Trajçe Stafillov dhe Marina Stefova nga Instituti për kimi pranë Fakultetit matematiko-natyror në Shkup dhe profesori Ivica Milevski nga Instituti për gjeografi pranë FMN-së.

Shkup, 18 dhjetor 2025 (MIA) - Në Fakultetin Juridik "Justiniani i Parë" - Shkup sot do të mbahet konferencë me temë: "Punë e dinjitetshme - rruga e duhur drejt një shoqërie të drejtë".

Shkup, 18 dhjetor 2025 (MIA) - Asambleja e përgjithshme e Bashkësisë së njësive të vetëqeverisjes lokale (BNJVL) sot në Shkup do ta mbajë mbledhjen konstituive. Siç informojnë nga institucioni, konstituimi i këtij trupi mbahet në pajtim me Statutin e BNJVL-së, në afat prej tre muajve pas zbatimit të zgjedhjeve lokale. Delegatët në këtë mbledhje do t'i zgjedhin anëtarët e Këshillit drejtues të BNJVL-së dhe të Këshillit mbikëqyrës. Në kuadër të kësaj ngjarje, anëtarët e Këshillit drejtues të BNJVL-së do të mbajnë mbledhje konstituive ku do të zgjehdin kryetarin dhe dy nënkryetarë, të cilët njëherit e prezantojnë edhe kryesinë e BNJVL-së. Më pas, kryetari i ri i BNJVL-së do t'u drejtohet delegatëve në Asamblenë e përjgithshme.

Shkup, 18 dhjetor 2025 (MIA) - Misioni i OSBE-së në Shkup, së bashku me Komisionin Shtetëror për Parandalimin e Korrupsionit (KSHPK) do të promovojnë Politikë të shqyrtuar për integritet që i përfshin gjyqësorin, Këshillin Gjyqësor dhe Akademinë për Gjykatës dhe Prokurorë Publik.

Shkup, 18 dhjetor 2025 (MIA) - Në Ministrinë për Marrëdhënie mes Bashkësive sot do të shënohet 21 Dhjetori - Dita e arsimit turk. Do të prezantohet edhe programi kulturor-artistik i nxënësve të cilët mësojnë në gjuhën amë, gjuhën turke në vend. 

Shkup, 18 dhjetor 2025 (MIA) - Presidentja Gordana Siljanovska-Davkova sot do ta vizitojë INP-SHNP Idrizovë në Shkup dhe do të takohet me drejtorin e burgut, Zoran Jovanovski. Siëjanovska-Davkova do ta vizitojë edhe punëtorinë (sallën për qepje), që funksionon në kuadër të repartit të grave në burg. 

Shkup, 18 dhjetor 2025 (MIA) - Anëtarët e Komisionit parlamentar për Arsim, Shkencë dhe Sport sot do të zhvillojnë takim pune me ministren e Arsimit dhe Shkencës, Vesna Janevska.

Shkup, 18 dhjetor 2025 (MIA) - Komisioni parlamentar për Shëndetësi sot do të mbajë seancë. Në rend dite të seancës do të jetë debati publik me temë "Mbrojtja e fëmijëve dhe të rinjve nga ndikimet e dësmhme dhe pasojat nga pirja e duhanit.

Shkup, 18 dhjetor 2025 (MIA) - Ministria e Administratës Publike sot do t'i promovojë mundësitë nga mjeti i avancuar i TI-së për zbatimin e Strategjisë për reformë në administratën publike. Në promovim do të mbajnë fjalim Goran Minçev, ministër i Administratës Publike dhe Maja Trendafilova - drejtoreshë e Shkollës rajonale për administratë publike ReSPA.

Bruksel, 18 dhjetor 2025 (MIA) - Sekretari i përgjithshëm i NATO-s, Mark Rute sot do ta vizitojë Poloninë, përderisa zëvendësja e tij, Radmilla Shekerinska do të qëndrojë për vizitë në Armeni, kumtoi Shërbimi për shtyp i Aleancës.

Uashington, 18 dhjetor 2025 (MIA) - Ushtria amerikane kumtoi se dje ka kryer sulm të ri ndaj një anijeje gjoja të dyshimtë për kontrabandë me drogë, në ujërat ndërkombëtare në Paqësorin lindor, me ç'rast jetën e humbën katër persona, transmetoi DPA. Komanda jugore e SHBA-së (SOUTHCOM) në platformkën X kumtoi se anija "ka tranzituar përgjatë rutës së njohur për tregti me drogë në Paqësorin lindor dhe ishte e përfshirë në operacione për tregti me drogë".

Uashington, 18 dhjetor 2025 (MIA) - Kongresi amerikan dje e miratoi buxhetin për mbrojtje që përfshin edhe 400 milionë dollarë ndihmë vjetore për Ukrainën në dy vitet e ardhshme, lajmëroi DPA. Vendimi, i miratuar edhe nga Dhoma përfaqësuese edhe nga Senati, do t'i mundësojë Pentagonit ta furnizojë Ukrainën me armë, në mënyrë që të mbrohet nga agresioni rus. Ligjdhënësit tani e presin nënshkrimin e presidentit amerikan, Donald Tramp në mënyrë që vendimi të hyjë në fuqi, transmeton agjencia gjermane.

Uashington, 18 dhjetor 2025 (MIA) - Shtetet e Bashkuara të Amerikës miratuan shitjen e armëve për Tajvanin në vlerë prej rreth 11,1 miliardë dollarë, me qëllim që të përforcohet aftësia mbrojtëse e ishullit. Agjencia për bashkëpunim në sigurinë e mbrojtjes e SHBA-së (DSCA), në tetë kumtesa të veçanta me detaje për shitjet, theksoi se ato "do të ndihmojnë në përmirësimin e sigurisë së pranuesit dhe do të ndihmojnë në mbajtjen e stabilitetit politik, balancit ushtarak dhe rendit ekonomik në rajon".

Uashingotn, 18 dhjetor 2025 (MIA) - Senati amerikan e konfirmoi sipërmarrësin miliarderin Xhared Ajzakmen shef të Aeronautikës Nacionale dhee Administratës Kozmike (NASA), me çka përfunduan pasiguritë disa mujore rreth udhëheqjes së agjencisë kozmike.

Bruksel, 18 dhjetor 2025 (MIA) - Përfaqësuesit e vendeve-anëtare të BE-së dhe Parlamenti evropian herët në mëngjes arritën marrëveshje për rregullat e reja që u lejojnë vendeve-anëtare t'i deportojnë kërkuesit e azilit në "vende të treta të sigurta", lajmëroi DPA. Marrëveshja do të mundësojë dërgim të kërkuesit të azilit në një vend jashtë BE-së që llogaritet i sigurt, madje edhe nëse nuk ka lidhje paraprake me të, për shembull kur ekziston marrëveshje apo aranzhman mes veendeve tët reta dhe shtetit të BE-së.

Uashington, 18 dhjetor 2025 (MIA) - Përfaqësues amerikanë dhe rusë pritet këtë fundjavë të takohen në Majami, si pjesë e përpjekjeve të administratës së presidentit amerikan Donald Tramp që ta përfundojë luftën pothuajse katërvjeçare mes Kievit dhe Moskës, publikoi Politiko, duke iu referuar dy personave të njohur me situatën.