Shkup, 4 nëntor 2025 (MIA) - Pas më shumë se dy muajsh nuk ka epilog në lidhje me pretendimet për ndërhyrje të panevojshme në zemër në institucionet shëndetësore private që po i heton komisioni i brendshëm në Ministrinë e Shëndetësisë. Deri më tani janë pranuar rreth 25 ankesa, ndërsa shtatë ose tetë të tjera do të shqyrtohen. Nga komisioni i brendshëm i formuar pas pretendimeve u paralajmërua se do të përfshihen edhe mjekë dhe ekspertë të huaj, por nuk u saktësua se kur do të mbërrijnë në vend.

Ministri i Shëndetësisë Azir Aliu sot tha se kur të përfundojnë me shqyrtimin e këtyre ankesave, do të mbajnë një konferencë për shtyp dhe se tani që zgjedhjet kanë mbaruar zyrtarisht, do të mund të fillojnë procedurën nga Ministria. 

 Shpjegoi se përveç atij komunikimi joformal, ata nuk kishin pasur asnjë komunikim formal me një marrëveshje me Komisionin, gjegjësisht një takim zyrtar me anëtarët.

"Edhe shtatë konstatime duhet të analizohen. Ju e dini që këto procese kërkojnë kohë. Para së gjithash, ata ekspertë janë tashmë në numër të vogël për vendin tonë. Përveç kësaj pune, ata kanë aktivitete të përditshme në  në ambulacë dhe sallat e operacionit, prandaj kjo dinamikë pune nuk varet nga ne si Ministri, por varet nga i gjithë ekipi i ekspertëve, i cili nuk është i vogël në numër dhe është i ngarkuar me detyrimet e tyre të përditshme për ofrimin e shërbimeve shëndetësore për qytetarët", theksoi Aliu, duke iu përgjigjur pyetjes së gazetarëve pas vizitës në Klinikën e Kardiologjisë. 

 Ai shpjegoi se ekspertë të huaj nga Sllovenia, Austria dhe Italia po angazhohen sepse çështja është ngritur në një nivel të lartë.

"Meqenëse çështja është shumë e ndjeshme dhe bëhet fjalë për operacione shumë të ndjeshme në zemër, nuk është se nuk u besojmë ekspertëve tanë, por duam që publiku dhe ekspertët brenda të jenë të sigurt se ai rezultat, konstatim, raport mbi punën e Komisionit të brendshëm dhe tre ekspertëve të huaj, do të jetë udhërrëfyesi ynë për riorganizimin dhe optimizimin e ri të atyre shërbimeve shëndetësore sipas konstatimeve që do të kemi nga Komisioni. Ideja për ekspertë të jashtëm është vetëm sepse besojmë se përveç atij Komisioni, një mendim tjetër nga jashtë do të ishte shumë më bindës si informacion për publikun në mënyrë që çdo qytetar të mund të besojë në këtë proces. Tema është shumë e ndjeshme dhe ne jemi shumë të kujdesshëm. Nuk hyra në detaje dhe nuk do të hyj në detaje deri në momentin kur Komisioni të ketë një konferencë për shtyp me mua për të njoftuar konstatimet  për publikun", theksoi Aliu. 

 Pas kësaj faze, theksoi ministri, faza tjetër është me tre ekspertët të cilët do të përfshihen në konsultime me ekspertë të brendshëm në mënyrë që ai ekosistem të mund të mbyllet dhe në mënyrë që Ministria të mund të krijojë politika të reja për ato sisteme shëndetësore.

Në pyetjen nëse spitalet private po raportojnë tani të gjitha ndërhyrjet që kryejnë, sepse nga 15 shtatori duhej të jenë të detyrueshme",  tha se moduli i raportimit është i hapur midis spitaleve private dhe sistemit të integruar dhe se procesi është aktiv. 

Foto: Arkivi i MIA-s