Shkup, 18 nëntor 2025 (MIA) -  Maqedonia e Veriut, në vitin 2022  ka pasur 8,5 prokurorë publikë për 100 mijë banorë, ndërsa në vitin 2024, siç tregon raporti i fundit i Këshillit të Prokurorëve Publikë, ky numër është rritur në 9,2, duke iu afruar ngadalë mesatares prej 11,2 prokurorë publikë për 100.000 banorë në 44 vende të mbuluara nga raporti i fundit i vlerësimit të Komisionit Evropian për Efikasitetin e Drejtësisë CEPEJ (CEPEJ) për sistemet gjyqësore nga viti 2024, me të dhëna për vitin 2022.

 Maqedonia, sipas numrit të prokurorëve publikë për 100.000 banorë hyn në shoqërinë e vendeve si Gjermania (7,7), Belgjika (7,5), Finlanda (7,9), Malta (8,8), Sllovenia dhe Luksemburgu (9,8) dhe Irlanda e Veriut (9,3).

 Numri i prokurorëve për 100 000 banorë ndryshon ndjeshëm nga një vend në tjetrin, nga një minimum prej 3,2 në Francë dhe Irlandë, 3,8 në Itali në një maksimum prej 24 në Bullgari, Letoni dhe Moldavi.

Siç lëvizim drejt lindjes së Evropës, numri i prokurorëve për banor ka tendencë të rritet, me norma përgjithësisht më të larta nga 15 për 100 000 banorë, megjithëse ka përjashtime në verilindje, si Finlanda dhe Suedia, dhe në juglindje, si Shqipëria, Greqia dhe Maqedonia. 

 Nga vendet e rajonit, sipas Raportit të CEPEJ, Greqia ka 5,7, ndërsa Shqipëria 7,2 prokurorë publikë për 100 000 banorë. Pas saj vjen Maqedonia, Sllovenia me 9,8, Serbia dhe Bosnja e Hercegovina me nga 10,4 prokurorë publikë. Kroacia dhe Mali i Zi kanë  nga 16,2 dhe 16,6 prokurorë publikë për 100 000 banorë, ndërsa Bullgaria ka 23,9.

Dallimi në numrin e prokurorëve publikë për 100 000 banorë nga një vend në tjetrin, CEPEJ në Raport shpjegon me atë se 15 vende anëtare dhe një shtet vëzhgues (Izraeli) kanë personel tjetër me detyra të krahasueshme me ato të prokurorëve, duke u siguruar mbështetje këtyre të fundit.

Në Itali, "Zëvendësprokuror"  u ndihmon prokurorëve me seancat dëgjimore për shkelje të vogla, studimet e jurisprudencës dhe përgatitjen e kërkesave për ndërprerjen e rastit. 

 Në Francë, "délégués du procureur" janë përgjegjës për zbatimin e masave alternative të ndjekjes penale dhe procedurave të shkurtra penale (ordonnances pénales), monitorimin e ekzekutimit të dënimeve dhe pjesëmarrjen në politikat lokale të parandalimit të krimit. Në 8 vende anëtare dhe subjekte, ky numër është shumë i konsiderueshëm krahasuar me numrin e prokurorëve publikë.

 Në vitin 2022, për çdo 100 prokurorë, ka 35 të punësuar me funksione të krahasueshme në Austri, 19 në Francë, 20 në Monako, 23 në Irlandë, 76 në Itali, 361 në Maltë, 24 në Holandë dhe 25 në Zvicër.

 Në Raportin e Këshillit të Prokurorëve Publikë, për punën e prokurorive publike në vitin 2024, në përputhje me rregulloren për organizimin e brendshëm dhe sistematizimin e vendeve të punës në prokurorinë publike, janë parashikuar 1.126, nga të cilat janë plotësuar 371 vende.

 Me këtë, në Maqedoni për 100 000 banorë ka pasur 20,1 nëpunës të prokurorisë publike, ndërsa sipas raportit të CEPEJ në vitin 2022, ky numër ka qenë 20 dhe është mbi mesataren, e cila është 14,7. mia/

 Foto: primntskrin nga raporti i CEPEJ