Tiranë, 15 mars 2025 (MIA) - Komisionerja e BE-së për zgjerim Marta Kos, për Top Çanel thotë se Komisioni Europian nuk është i kënaqur nga largimi i disa institucioneve amerikane, nga financimi i SPAK-ut në Shqipëri.

Me këtë rast, ajo jep garanci se do të jetë Bashkimi Europian që do mbështesë SPAK dhe institucionet e reja te drejtësisë me asistencë teknike e financiare në drejtim të përforcimit të kapaciteteve dhe pavarësisë së prokurorisë së posaçme.

Në intervistën, e cila, siç tha, është e para nga ardhja e saj në këtë funksion, zbulon se janë dhënë 270 milionë euro për "sundimin e së drejtës nga fondi i përgjithshëm prej një miliard që përfshin plani i rritjes për Shqipërinë.

Zyrtarja e lartë e Komisionit Evropian vlerëson punën e SPAK duke nënvizuar se ky institucion i drejtësisë gëzon besimin e plotë të BE dhe se sulmet ndaj prokurorëve të posaçëm po ndiqen nga Brukseli.

Ajo i përshëndet hapat e Shqipërisë drejt BE-së me hapjen e disa kapitujve, duke konstatuar se Shqipërisë i shkon shumë mirë.

Zgjerimin e BE-së me vendet nga Ballkani Perëndimor në kontekstin e ri gjeopolitik në Ukrainë, ajo e komentoi si zhvilli historik për ta bërë Evropën më të fuqishme. Por, sipas saj, mbyllja e kapitujve nga Shqipëria nuk do të thotë anëtarësim automatik në BE. bsh/

Foto: Printskrin