Dibër, 9 dhjetor 2025 (MIA) - Komuna e Dibrës ka ndërmarrë hapa të rëndësishëm drejt rritjes së transparencës dhe përfshirjes së qytetarëve në procesin e planifikimit të buxhetit, njoftuan nga komuna.

Në kuadër të për Propozimin e Buxhetit të vitit 2026, është krijuar një formë onlajn përmes të cilës çdo person juridik ose fizik i interesuar mund të paraqesë kërkesat, propozimet dhe sugjerimet e tij.

 "Kjo formë u mundëson qytetarëve dhe subjekteve të ndryshme të kontribuojnë drejtpërdrejt në përcaktimin e prioriteteve buxhetore dhe zhvillimin e projekteve që ndikojnë në përmirësimin e cilësisë së jetës në komunë, vlerësojnë nga komuna.

 Forma është e disponueshme në linkun e mëposhtëm: https://dibra.gov.mk/newmk/buxheti.

 "Komuna e Dibrës mbetet plotësisht e përkushtuar ndaj transparencës, llogaridhënies dhe përfshirjes aktive të qytetarëve në të gjitha proceset buxhetore dhe zhvillimore, duke u përpjekur të krijojë një mjedis më gjithëpërfshirës dhe efikas për të gjithë banorët", theksojnë nga komuna.

 Foto: Komuna e Dibrës