Shkup, 14 nëntor 2025 (MIA) - Shumica e pacientëve me diabet për momentin po trajtohen me insulinën e gjeneratës së tretë, dhe krahasuar me rajonin dhe të kaluarën, ky është një përparim i madh, theksoi sot drejtori i përgjithshëm i Fondit për Sigurim Shëndetësor, Sasho Klekovski, duke u përgjigjur në pyetjen e gazetarëve me rastin e 14 Nëntorit, Ditës Botërore të Diabetit.

"Pacientët kanë të drejtë të kërkojnë më shumë. Mendoj se Qeveria po punon për të zgjidhur deficitin e sensorëve në të ardhmen e afërt. Nga viti 2027, diabeti do të bëhet pjesë e punës së Fondit për Sigurime Shëndetësor dhe po përgatitemi që tani e tutje, kemi një vit të tërë për t'u përgatitur për të siguruar një sistem ku, me kriteret e duhura, të gjithë do të jenë të kujdesur", tha Klekovski pas ngjarjes që shënoi 25 vjet pavarësi dhe funksionim të vazhdueshëm të Fondit.

 Foto: MIA