Shkup, 14 shkurt 2025 (MIA) - Rastet më të lehta të fëmijëve të sëmurë nga Klinika e Pediatrisë do të trajtohen në Poliklinikën Bit Pazar, ku është hapur pika e re, tërësisht e rinovuar, specialiste e pediatrisë. Pika do të punojë çdo ditë nga ora 19:30 deri në orën 7:30 dhe të dielën 24 orë, ndërsa ka në dispozicion mobilie dhe inventar të ri mjekësor, si dhe të gjitha pajisjet e nevojshme mjekësore për ekzaminim, analiza dhe trajtim të fëmijëve deri në 14 vjeç.

Gjithsej 11 pediatër që punojnë në Shtëpinë e Shëndetit - Shkup do të ofrojnë shërbime shëndetësore në pikën Bit Pazar. Në ekip, përveç një pediatri, do të ketë edhe një infermiere dhe një laborant. 

 "Për të forcuar shërbimet kujdestare në Poliklinikën Bit Pazar do të hapet pika e re e specializuar pediatrike e cila do të punojë çdo ditë nga ora 19:30 deri në orën 7:30 dhe të dielave 24 orë. Do të ekzaminohen fëmijët nën 14 vjeç. Ekipi do të përbëhet nga një pediatër specialist, një infermiere dhe një laborant. Do të bëhen ekzaminim i përgjithshëm, analiza laboratorike të gjakut, urinës, CRP dhe gjithçka tjetër që është thelbësore për vendosjen e një diagnoze fillestare dhe do të jepet terapia e duhur. Pika është tërësisht e renovuar, e pajisur me mobilie dhe inventar të ri mjekësor, si dhe me pajisje të nevojshme mjekësore, tha drejtori i ISHP-së Qendra e Shëndetit - Shkup, Samir Iseni, i cili sot së bashku me ministrin e Shëndetësisë Arben Taravari vizitoi Poliklinikën e Bit Pazarit.

Siç ka theksuar Taravari, nëse një rast është më i komplikuar, menjëherë do të dërgohet në Klinikën e Pediatrisë.

 "Bëhet fjalë për problem që ishte evident. Para dy-tre muajsh kam thirrur drejtorët e Shtëpisë së Shëndetësisë dhe të Klinikës së Pediatrisë për të biseduar. Është dashur të gjejmë një zgjidhje për numrin e madh të fëmijëve në Klinikën e Pediatrisë, që ata me raste më të lehta të trajtohen në Qendrën e Shëndetësisë dhe tashmë këtë sot po e promovojmë. Ideja ishte për fillimin e shkurtit, por tani nuk është vonë. Në fakt, 11 pediatër që punojnë në Shtëpinë e Shëndetit - Shkup do të ofrojnë shërbime shëndetësore, dhe qasje do të kenë të gjithë fëmijët me raste më të lehta, nga mosha 0 deri në 14 vjeç, të cilët kanë nevojë për kujdes shëndetësor parësor dhe sekondar. Çdo rast më i komplikuar do të dërgohet menjëherë në Klinikën e Pediatrisë", theksoi ministri.

 Sipas tij,  edhe në poliklinikat e tjera të Shkupit do të mundohemi të hapim pika të tilla pediatrike në vende të tjera ku kemi kapacitet dhe resurse njerëzore, por urgjentisht duhej të fillonim diku, që të mos shkojë gjithçka në pediatri... e kemi filluar me Bit Pazarin dhe nëse ka mundësi në poliklinikat e tjera të Shkupit dhe nëse pediatër, të paktën 6-7 prej tyre janë të gatshëm të bien dakord mes tyre të ,   të jenë në kujdestari, gjithsesi do të përpiqemi  edhe atje të fillojmë.

Ai paralajmëroi edhe projekte të reja të tjera. 

 и.

"Shpresoj që për 15 ditë të promovojmë Klinikën për Sëmundje Infektive, një kat tërësisht të rinovuar dhe Klinikën për Urologji, të rinovuar tërësisht. Po punohet intensivisht edhe në kujdesin intensiv, internist në Klinikën e Toksikologjisë, por aty do të na duhet edhe pak kohë", tha Taravari.

Duke u përgjigjur në pyetjen e gazetarëve, ai pohoi se ka ankesa për "Përshëndetje doktor" edhe pse aplikacioni po funksionon. 

"Pacientët lajmërohen dhe marrin përgjigje, disa prej tyre i telefonoj personalisht. Megjithatë, ata kanë ankesa. Kontrollojmë se për çfarë janë. Po mundohemi të mbajmë komunikim të vazhdueshëm me qytetarët për të pranuar të gjitha llojet e ankesave", theksoi Taravari.

Drejtori Iseni, ndërkaq, tha se Qendra e Shëndetësisë e stërmbushur me specialistë, nuk ka mjaftueshëm mjekë neurologë apo dermatologë, ndërsa ekipet e Ndihmës së Shpejtë janë të pakta. 

"Jemi në kontakt me Ministrinë e Shëndetësisë, planifikohen disa punësime për të plotësuar nevojat e qytetarëve. Kemi mungesë të neurologëve, dermatologëve dhe numri i ekipeve aktuale të ndihmës urgjente është i vogël", theksoi Iseni. 

Foto/video: MIA