Shkup, 31 janar 2025

Grupi i Bankës Evropiane të Investimeve (BEI) nënshkroi financime të reja me vlerë 89 miliardë euro vitin e kaluar. Grupi bëri më shumë investime se kurrë më parë për të forcuar sigurinë energjetike të BE-së, duke mobilizuar mbi 100 miliardë euro për projekte në infrastruktura të reja dhe të përmirësuara, të tilla si rrjetet energjetike dhe ndërlidhësit, burimet e rinovueshme, sektorët neto zero, efikasiteti dhe magazinimi. Gati 60% e financimit total ka mbështetur tranzicionin e gjelbër, masat për klimën dhe qëndrueshmërinë mjedisore.

Rezultatet tona paraprake sinjalizojnë edhe një herë përfitim të fortë. Në të njëjtën kohë, janë rritur ndjeshëm edhe operacionet me rrezik më të lartë të BEI-t për të mbështetur kompanitë më inovative të Evropës. Një vlerë rekord prej 8 miliardë eurosh në kapitale dhe investime pothuajse-kapital nga BEI dhe Fondi Evropian i Investimeve (FEI), pritet të mobilizojë 110 miliardë euro në kapital rritjeje për kompanitë e reja, kompanitë në zgjerim dhe pionierët evropianë.

Investimet për sigurinë dhe mbrojtjen, të cilat plotësuan kriteret, u dyfishuan në vitin 2024 dhe synohet që kjo shifër të dyfishohet sërish këtë vit. Për më tepër, Grupi i BEI-t zgjeroi ndjeshëm investimet e tij në projekte me përdorim të dyfishtë, të cilat tani përfshijnë mbrojtjen e kufirit, lëvizshmërinë ushtarake, çminimin dhe dekontaminimin, hapësirën, sigurinë kibernetike, pajisjet kundër bllokimit të sinjalit, shtratin e detit dhe mbrojtjen e infrastrukturës kritike, kërkimin dhe zhvillimin, dhe dronët.  

Me sytë nga e ardhmja, Grupi i BEI-t planifikon të rrisë investimet e tij të përgjithshme në 95 miliardë euro në vitin 2025, me nisma kryesore për të mbështetur kampionët evropianë të teknologjisë dhe një program të dedikuar “TechEU”, materialet e lëndëve të para, menaxhimin e ujit, efikasitetin e energjisë të kompanive të vogla dhe të mesme dhe një platformë të dedikuar për të promovuar strehim të përballueshëm dhe të qëndrueshëm.

Paralelisht me rritjen e kapacitetit dhe ndikimit të tij investues, Grupi i BEI-t po bën përparim të rëndësishëm në reduktimin e burokracisë për klientët dhe ka shkurtuar kohën e kërkuar në treg për miratimin dhe futjen e investimeve të reja. Gjatë vitit 2024, ai njoftoi procedura të thjeshtuara vlerësimi, duke mbuluar më shumë se 40% të operacioneve të tij.

“Ne kemi thyer rekorde me financimin tonë në vitin 2024. Ne jemi gati për të mbështetur prioritetet e BE-së në këtë mandat të ri politik. Ne do të luajmë një rol më relevant në vitin 2025, duke u mbështetur në performancën e shkëlqyer të Grupit të BEI-t gjatë vitit 2024 për të rritur ndikimin tonë, duke forcuar sigurinë dhe konkurrencën e Evropës me investime strategjike dhe ambicioze”, tha presidentja e Grupit të BEI-t, Nadia Calviño duke paraqitur rezultatet vjetore të operacioneve të Grupit të BEI-t në Bruksel.

Financimi i Grupit të BEI-t në vitin 2024 pritet të sigurojë energji të pastër elektrike për pothuajse 15 milionë familje, do të krijojë deri në 1,5 milionë vende të reja pune në Evropë gjatë disa viteve të ardhshme, do të avancojë terapitë kundër kancerit dhe do të sigurojë strehim të përballueshëm nga Kroacia në Letoni.

Përtej Ukrainës, operacionet e Grupit të BEI-t jashtë Bashkimit Evropian po mbështesin stabilitetin në vendet fqinje dhe partnere të BE-së në rrugën e tyre drejt anëtarësimit në BE, duke përfshirë përmirësimin e hekurudhave në vende të tilla si Shqipëria dhe Mali i Zi.

Duke mbështetur prioritetet globale të BE-së dhe duke ndihmuar në forcimin e zërit të Evropës në botë, financimi i Grupit të BEI-t ndihmon gjithashtu vendet e goditura nga thatësira si Jordania për të menaxhuar furnizimin me ujë. Falë partneriteteve të përforcuara brenda dhe jashtë Bashkimit Evropian, investimet e BEI-t po ndihmojnë në eliminimin e sëmundjeve si poliomieliti dhe mbështesin infrastrukturën e qëndrueshme në mbarë botën - nga Vietnami në Indi.

Historiku

Më hollësishëm, pikat kryesore nga viti i kaluar përfshijnë:

Rritjen e aktiviteteve me rrezik më të lartë, të cilat priten të mobilizojmë rreth 110 miliardë euro në investime të reja. Kjo përfshin një vlerë rekord prej 7,2 miliardë eurosh të investimeve nga FEI në ekosistemin e fondeve të kapitalit, dhe 1 miliard euro borxh sipërmarrës nga BEI.

Janë realizuar investime me vlerë mbi 14 miliardë euro në totalin e investimeve nga FEI për të mbështetur bizneset e vogla dhe novatorët evropianë, duke përfshirë 102 fonde të kapitalit sipërmarrës, të tillë si fondi i dedikuar për të mbështetur sipërmarrjet e reja në pronësi të grave dhe sipërmarrjet e reja me balancë gjinore në fushën e hapësirës​ dhe teknologjisë së thelluar.

Një vlerë rekord prej 51 miliardë eurosh, që përfaqëson rreth 60% të investimeve të vitit të kaluar, në mbështetje të tranzicionit të gjelbër, masat për klimën dhe qëndrueshmërinë mjedisore, nga duke filluar nga fabrika e parë në botë e gomave me emetime zero në Rumani për të mbështetur lëvizshmërinë e qëndrueshme në Valencia, duke mbajtur Grupin e BEI-t në rrugën e duhur për të përmbushur objektivin e tij për të mbështetur investime me vlerë 1 trilion euro për qëndrueshmërinë e klimës dhe mjedisit në dekadën kritike deri në vitin 2030.

Një vlerë rekord prej 31 miliardë eurosh në mbështetje të sigurisë energjetike të BE-së, duke përfshirë efikasitetin, burimet e rinovueshme, magazinimin dhe rrjetet e energjisë elektrike, të cilat pritet të mbështesin investime me vlerë mbi 100 miliardë euro. Iniciativat kryesore përfshijnë kundërgarancitë për të forcuar prodhuesit evropianë të energjisë eolike, prodhimin e baterive të automjeteve elektrike në Francë dhe ishullin “Princesha Elizabeth” në Belgjikë. Lidhur me rrjetet dhe magazinimin e energjisë, financimi u rrit në një vlerë rekord prej 8,5 miliardë euro, duke mobilizuar 40% të investimit total të Evropës në atë sektor në vitin 2024, duke përfshirë përmirësimet e rrjetit të transmetimit dhe ndërlidhësit në Spanjë. Çeki dhe Gjermani.

Mbështetja për projektet e sigurisë dhe të mbrojtjes, të cilat plotësuan kriteret, u dyfishua në 1 miliard euro, duke përfshirë vendosjen e satelitëve dypërdorimësh në Poloni, përmirësimet e porteve për të përmbushur nevojat e anijeve të NATO-s në Danimarkë dhe investimet nga FEI në fondet e dedikuara të investimeve private. Pritet dyfishim i mëtejshëm i investimeve vjetore këtë vit në vlerën 2 miliardë euro.
Një vlerë rekord prej 38 miliardë eurosh për përshpejtimin e kohezionit social dhe territorial, duke përfshirë linjat e kreditimit për fermerët në Rumani, kompanitë e reja inovative në Greqi dhe projektet e tranzicionit në Estoni.

Grupi i BEI-t ka ofruar gjithashtu mbështetje financiare për të rritur qëndrueshmërinë klimatike dhe përshtatjen nga rindërtimi pas rrëshqitjes së dheut në Itali dhe investimeve të rimëkëmbjes në rajonet evropiane të prekura nga përmbytjet shkatërruese.

Janë disbursuar më shumë se 2,2 miliardë euro që nga viti 2022, ku investimet e Grupit të BEI-t në Ukrainë po mbështesin riparimin e shkollave, kopshteve dhe spitaleve, duke përmirësuar transportin dhe mbrojtjen e infrastrukturës energjetike, si dhe mbështetjen për sektorin privat.

Gati për sfidat e ardhshme

Nën drejtimin e presidentes Calviño, e cila mori detyrën në janar 2024, Grupi i BEI-t ka përditësuar politikat e brendshme dhe strategjinë e investimeve për të maksimizuar ndikimin dhe për të rritur mbështetjen për prioritetet e përbashkëta evropiane.

Ndryshimet përfshijnë:

Një Udhërrëfyes Strategjik, i përafruar me politikat e BE-së dhe i rënë dakord nga 27 shtetet anëtare të BE-së, aksionerët e BEI-së, për të fokusuar burimet në investime me ndikim në tetë prioritete kryesore.

Një kuadër i rinovuar që zgjeron aktivitetin e Grupit të BEI-t në fushat e sigurisë dhe mbrojtjes, me procedura të brendshme të thjeshta dhe partneritete të reja me aktorë të jashtëm, si Fondi i Inovacionit i NATO-s dhe Agjencia Evropiane e Mbrojtjes.

Guvernatorët e BEI-t miratuan rritjen e "Raportit të borxhit ndaj kapitalit", një kufi i vjetruar për investimet e Grupit të BEI-t.[1] Kjo do t’i mundësojë Grupit të BEI-t të bëjë investimet e nevojshme strategjike për të përmbushur objektivat e politikës së BE-së, duke ruajtur raportet e borxhit dhe të kapitalit.

Një plan veprimi me blloqe ndërtimi për një bashkim më të madh të tregjeve të kapitalit.

Veprimet dhe propozimet për të ulur burokracinë, për të përmirësuar përdorimin e rregullave të raportimit të qëndrueshmërisë së BE-së dhe për të përmirësuar përdorimin e instrumenteve buxhetore të BE-së.

Një nismë e përshpejtuar “koha për treg” për të thjeshtuar proceset e brendshme dhe për të rritur efikasitetin, duke mundësuar miratime shumë më të shpejta për financime të reja.

Një plan veprimi për të përmirësuar transparencën, përgjegjshmërinë dhe mirëqenien në vendin e punës, duke përfshirë emërimin e një avokati populli për të adresuar me shpejtësi çështjet e zakonshme të vendit të punës dhe për të përmirësuar mjedisin e punës.

Më e rëndësishme se kurrë në 2025

Me sytë nga e ardhmja, plani operacional i Grupit të BEI-t do të mbulojë investime të reja me vlerë deri në 95 miliardë euro në vitin 2025, të mbështetur nga vlerësimi i kredisë dhe pozicioni i fortë i kapitalit të grupit.

Priten të njoftohen nisma të reja të përafruara me prioritetet e Komisionit të ri Evropian në vitin 2025, të cilat përfshijnë:

Ruajtjen e objektivit për 60% financim të gjelbër.

Rritjen e mbështetjes për teknologjitë kryesore, duke përfshirë teknologjinë e pastër, inteligjencën artificiale, procesorët, informatikë me performancë të lartë dhe kuantike, shkencat shëndetësore dhe teknologjitë mjekësore, dhe kapacitetin industrial të Evropës.

Një platformë daljeje për të lehtësuar listimin e zgjerimeve të kompanive evropiane në tregjet e BE-së ose blerjen e këtyre novatorëve premtues nga kompanitë evropiane.

Zgjerim i Nismës Evropiane të Kampionëve Teknikë shumë të suksesshëm (ETCI) si pjesë e qëllimit më të gjerë për të rritur kapitalin dhe investimet e borxhit të sipërmarrjes për të rritur numrin e sipërmarrjeve të reja në Evropë.

Dyfishim i mëtejshëm i mbështetjes për sigurinë dhe industrinë e mbrojtjes të Evropës

Një platformë mbarevropian investimi për strehim ekonomik dhe të qëndrueshëm, së bashku me Komisionin Evropian dhe rritje të financimit për sektorin e strehimit.

Rritjen e investimeve për projekte kritike të lëndëve të para, të tilla si impianti i prodhimit të litiumit Keliber në Finlandë, për të cilën u ra dakord vitin e kaluar.

Një program i dedikuar i ujit, me vlerë rreth 4,5 miliardë euro për të fokusuar investimet në qëndrueshmërinë ndaj përmbytjeve dhe për të trajtuar mungesën e ujit gjatë thatësirave në rritje.

Mbështetje e re për fermerët e Evropës përmes sigurimit bujqësor dhe skemave të tjera pa rrezik, duke u mbështetur në një instrument prej 3 miliardë eurosh për të përmirësuar aksesin në financim për fermerët e rinj dhe gratë.

Një program prej 2,5 miliardë eurosh për të rritur investimet në efikasitetin e energjisë nga kompanitë e vogla dhe të mesme, në mënyrë që të mund të ulin emetimet e tyre të CO2 dhe faturat e energjisë elektrike.

Grupi i Bankës Evropiane të Investimeve

______________________________________________________________________________________________________________________________________________________________________________________

MIA këto tekste i publikon në formën integrale dhe origjinale dhe nuk mban përgjegjësi për përmbajtjen e tyre dhe as për mangësitë eventuale drejtshkrimore apo gabimet e shtypit.