Shkup, 29 janar 2026 (MIA) - Kryetari i Kuvendit, Afrim Gashi sot theksoi se se nuk beson se pa pasur ndonjë marrëveshje parimore mes partive, Qeveria të propozojë ndryshime ligjore për pezullimin e qeverisë teknike.

"Mund të them se ende nuk kam asnjë propozim të Qeverisë lidhur me këtë temë. Pajtohem se për ligje që janë me rëndësi poëlitike, sidomos për Ligjin e punës të Qeverisë, mendoj se duhet të arrijmë kuptohemi më shumë para se t'i sjellim deputetët para aktit të kryer. Por mendoj se takimi i liderëve isjhte pikërisht për këtë funksion. Mendoj se bisedimet po vijojnë. Dhe nuk besoj se Qeveria, pa pasur parasysh ndonjë marrëveshje parimore mes partive, do të propozojë diçka aq të madhe dhe kryesore, por megjithatë varet nga ato", tha Gashi në brifingun e sotëm me gazetarët.

Potencoi se kur do të arrijë propozimi nga Qeveria, do ta dorëzojnë deri te deputetët dhe do të fillojë procedura. Theksoi se pastaj edhe partitë politike, por edhe qytetarët, do të vlerësojnë nëse është në rregull apo jo.

Në pyetjen e gazetarëve nëse janë të gatshëm si shumicë qeveritare të votojnë për pezullimin e qeverisë teknike pa pajtueshmërinë e opozitës, Gashi tha se ligji e mundëson këtë dhe nuk e ndalon, por konsideron se duhet të arrihet marrëveshje.

"Sidomos për çështje të tilla për të cilat u arrit një zgjidhje e tillë së bashku. Mendoj se do të ishte më mirë që të gjithë të biem dakord së bashku kur të mbarojë nevoja për një qeveri të tillë teknike. Tani, nëse ka një përpjekje për t'u afruar me kokëfortësi ose në mënyrë të njëanshme dhe për të qëndruar me kokëfortësi pas një qëndrimi, kjo është një çështje tjetër. Por duhet të debatojmë dhe të arrijmë në një zgjidhje që do ta themi të gjithë së bashku një ditë - nuk kemi më nevojë për këtë qeveri teknike. Nëse vjen një moment i tillë, mendoj se është mirë që ne të votojmë për atë zgjidhje së bashku. Në përgjithësi, po flas në parim, forca e argumenteve duhet të jetë e rëndësishme për zgjidhjen e problemeve, dhe jo ndonjë interes i veçantë i një partie politike", tha kryeparlamentari Gashi. mb/

Foto: MIA