Bruksel, 23 janar 2026 (MIA) - Kryeministrja daneze Mete Frederiksen sot do të takohet me sekretarin e përgjithshëm të NATO-s, Mark Rute, për të biseduar për ngjarjet më të reja në lidhje me Grenlandën.

Takimi do të mbahet në kontekst të planeve të presidentit amerikan Donald Tramp për marrjen e ishullit, të cilat shkaktuan vëmendje diplomatike dhe tensione potenciale mes aleatëve.

Agjenda e takimit përfshin definimin e kufijve në angazhimin  pranueshëm për Danimarkën dhe Grenlandën.

Sekretari i përgjithshëm i NATO-s dje u takua me Trampin me të cilin biseduan për draft-versionet e marrëveshjes së ardhshme për Grenlandën dhe aspektet e sigurisë të Arktikut.

Frederiksen mbrëmë, pas arritjes në samitin e Bashkimit Evropian në Bruksel, tha se sovraniteti i vendit është i paprekshëm "linjë e kuqe", por që Danimarka është e hapur për përforcimin e bashkëpunimit të sigurisë në rajonin arktik.

Siç publikoi "Gardian", Frederiksen falënderoi vendet tjera anëtare të Bashkimit Evropian për mbështetjen e tyre, duke theksuar se qasja e përbashkët dhe  e unifikuar e Evropës sjell rezultate. sa/

foto: Arkivi