Shkup, 11 nëntor 2025 (MIA) - "Lidhja e Zvicrës dhe Maqedonisë së Veriut: Rritja e biznesit dhe partneritetet" është tema e forumit të biznesit që do të mbahet sot në Odën Ekonomike të Maqedonisë së Veriut.

Ngjarja ka për qëllim të inkurajojë shkëmbimin e biznesit, investimet dhe zhvillimin e partneriteteve të reja midis kompanive zvicerane dhe atyre të Maqedonisë së Veriut, përmes shkëmbimit të përvojave, ideve dhe vizioneve për të ardhmen e të dy ekonomive.

Fjalë hyrëse do të kenë Branko Azeski, kryetar i Odës Ekonomike të Maqedonisë së Veriut, Kristof Zomer, ambasador i Zvicrës në Maqedoninë e Veriut dhe Oliver Bertshinger, kryetar dhe drejtor ekzekutiv i Odës Ekonomike të Zvicrës dhe Evropës Qendrore - SEC.

Në kuadër të forumit do të diskutohen perspektivat e tregut dhe mundësitë për hyrje në tregun zviceran, aspektet ligjore dhe marrëveshjet tregtare midis dy vendeve, si dhe potenciali për investime të reja, bashkëpunim teknologjik dhe iniciativa eksporti.

Siç theksohet në paralajmërim, në panelin e diskutimit mbi potencialin për biznes, tregti dhe investime midis Maqedonisë së Veriut dhe Zvicrës do të marrin pjesë dr. Andrej Vrçkovski, themelues dhe ish drejtor ekzekutiv i Netcetera dhe anëtar i Bordit të drejtorëve të Sëitzerland Global Enterprise, Dimitar Cvetkovski, kryetar i Bordit të drejtorëve të Makstil SHA dhe Duferko SA, Igor Todorçevski, drejtor ekzekutiv i Alkaloidpharm Corp. (Zvicër) dhe Daniel Matrakoski, ekspert për bashkëpunim ndërkombëtar në OEMV.

Foto: arkivi i MIA-s