Shkup, 18 nëntor 2025 (MIA) - Diskutimi për pagën minimale dhe kërkesa për rritje të saj ishin pjesë e seancës së sotme parlamentare, në të cilën deputetët e opozitës kërkuan përgjigje nga Ministri i Ekonomisë.

Ministri Besar Durmishi tha se Qeveria është për rritjen e pagës minimale, por se për këtë duhet të dakordohen sindikatat dhe punëdhënësit. Në përgjigje, Durmishi tha se nëse paga minimale rritet pa justifikim ekonomik, ndërmarrjet e vogla dhe të mesme do të përballjen me një problem që do të reflektohet me largimin nga puna të punëtorëve.

"Si Qeveri dhe si Ministri e Ekonomisë, nuk jemi kundër rritjes së pagës minimale, por nevojitet një marrëveshje midis sindikatave dhe punëdhënësve. Ato duhet të harmonizohen. Nuk duam të miratojmë asnjë marrëveshje që është në dëm të punëtorëve dhe punëdhënësve. Propozimi për rritje pa bazë ekonomike është një shembull parazgjedhor dhe një problem që nëse e miratojmë, ndërmarrjet e vogla dhe të mesme do të kenë problem dhe do të largojnë nga puna punëtorë, gjë që do të rrisë inflacionin", tha Durmishi.

Ai theksoi se sipas Eurostat, vendi është në mes për sa i përket pagës minimale, dhe se pas nesh janë Shqipëria dhe Serbia.

Ministri Besar Durmishi tha se Qeveria është pro rritjes së pagës minimale, por se për këtë duhet të bien dakord sindikatat dhe punëdhënësit. Në përgjigje, Durmisi tha se nëse paga minimale rritet pa justifikim ekonomik, ndërmarrjet e vogla dhe të mesme do të përballen me një problem që do të reflektohet në largimin nga puna të punëtorëve.

"Inflacioni ha çdo denar që qytetarët marrin në fund të çdo muaji. Sipas logjikës suaj, problemi nuk është se qytetarët paguajnë fatura më të larta, por se nëse marrin një pagë minimale prej 500 euro, do të fajësohen për inflacionin", tha Trençevska.

Sipas Trençevskës, nuk qëndron shpjegimi i ministrit se vetëm sindikatat dhe punëdhënësit duhet të arrijnë një marrëveshje sepse ky është një dialog social trepalësh në të cilin marrin pjesë jo vetëm sindikatat dhe punëdhënësit, por edhe Qeveria. ls/

Foto: printskrin