Shkup, 27 nëntor 2025 (MIA) - Kryetari i Komisionit të Përhershëm Anketues për Mbrojtjen e Lirive dhe të Drejtave të Njeriut dhe deputet i së Majtës, Dimitar Apasiev, në konferencën e sotme për shtyp njoftoi se ka thirrur një seancë të Komisionit të Përhershëm Anketues për 9 dhjetor pas një kërkesë të paraqitur nga Shoqata e Qytetarëve më 16 mars 2025 nga Koçani, ose e njohur në publik si Shoqata e prindërve të fëmijëve të vdekur nga Koçani.

"Këtë konferencë për shtyp e kam thirur në cilësinë e kryetarit të Komisionit të Përhershëm Anketues për Mbrojtjen e Lirive dhe të Drejtave të Njeriut, për të njoftuar se ky Komision, si i vetmi komision kushtetues kompetent, do të veprojë sipas iniciativës, përkatësisht kërkesave të qytetarëve. Në këtë rast, kam vendosur të caktoj një seancë me rastin e kërkesës së paraqitur nga Shoqata e Qytetarëve 16 Mars 2025 nga Koçani ose njohur për publikun si Shoqata e prindërve të fëmijëve të vdekur nga Koçani. Besoj se kjo është në interesin më të lartë publik dhe për këtë arsye e kam caktuar seancën në përputhje me autorizimet e mia procedurale për 9 dhjetor 2025, në mënyrë që të mos përkojë me orarin e gjykimit të shpallur nga gjykata, pasi gjykimet janë të shpeshta dhe simbolikisht 10 dhjetori është Dita Botërore e Lirive dhe të Drejtave të Njeriut, dhe prindërit në kërkesën e tyre i referohen pikërisht të drejtës së jetës si e drejta më e lartë që mbeti e pambrojtur natën e tragjedisë. Prandaj, kjo letër cirkulare e imja u është dorëzuar të gjithë anëtarëve, deputetëve të Komisionit të Përhershëm Anketues dhe shtesë janë ftuar kryetari i Kuvendit, nënkryetarët, koordinatorët e grupeve parlamentare, kryeministri, ministri i Punëve të Brendshme, presidenti i Republikës së Maqedonisë së Veriut dhe parashtruesit e kërkesës. Kjo do të thotë se edhe parashtruesit e kërkesës do të kenë të drejtë të flasin në këtë seancë", tha Apasiev. ls/

Foto: MIA