Манчестер, 29 април 2024 (МИА) - Манчестер Јунајтед размислува за продажба на Маркус Рашфорд доколку добие значајна понуда и тој му каже на клубот дека сака да си замине, пренесе „Атлетик“.

Сепак, гигантите не бараат активно да го продадат англискиот репрезентативец, кој има повеќе од четири години од договорот на „Олд Трафорд“.

Јунајтед претпочита да го задржи 26-годишниот фудбалер. Рашфорд потпиша нов петгодишен договор со „црвените ѓаволи“ во јули минатата година, кој трае до јуни 2028 година.

Минатата кампања постигна 30 гола на 56 натпревари во сите натпреварувања, но оваа сезона има само 8 гола на 40 натпревари.дс

Фото: Архива