Манчестер, 11 октомври 2024 (МИА) - Најслабиот старт на Манчестер Јунајтед во Премиер лигата не беше доволен за шефовите на тимот да го отпуштат менаџерот Ерик Тен Хаг пред паузата, но му дадоа ултиматум: да ги победи Брентфорд и Фенербахче и да остане во клубот.

Тоа не е нешто што менаџерот, кој не знае за победа во последните пет натпревари, не може да го постигне, но агонијата во која се вклучени тој и клубот веројатно нема да биде плодна на долг рок. Зашто, Тен Хаг потроши 650 милиони фунти, односно 450 милиони евра од 2022 година само на „силни“ трансфери, а резултатот се два трофеи, Лига купот на Англија и ФА Купот на Англија.

Долго време Јунајтед не се ни меѓу кандидатите за освојување на Премиер лигата, а целиот проект на Тен Хаг одамна е сè, само не проект.

Медиумите во Англија истакнуваат дека мала кочница за челниците на Јунајтед е „цехот“ што би морале да го платат на Холанѓанецот, а тој моментално е 14 милиони фунти.

Медиумите ги наведуваат имињата на менаџерите кои би можеле да се најдат на клупата на Јунајтед, а Томас Тухел е фаворит. Поранешниот менаџер на Челси и Баерн беше на состанок во Јунајтед, но не сакаше да дава изјави за медиумите. дс

Фото: Архива