Пјонгјанг, 4 јуни 2025 (МИА) – Секретарот на Советот за безбедност на Русија, Сергеј Шојгу денеска пристигна во Пјонгјанг на средба со севернокорејскиот лидер Ким Џонг-ун.

Според руските медиуми на средбата ќе се разговара за деталите од Договорот за стратешко партнерство помеѓу Русија и Северна Кореја, што беше потпишан од Ким и рускиот претседател, Владимир Путин во јуни 2024 година.

Исто така Шојгу и Ким ќе разговараат ситуацијата во Украина.

Шојгу, кој е поранешен руски министер за одбрана, последен пат во Пјонгјанг беше кон крајот на март.

Кремљ во април потврди дека севернокорејски војници се борат заедно со руските сили против Украина. ми/

фото: МИА архива