Газа, 27 август 2025 (МИА) - Хамас денеска ги отфрли тврдењата на Израел дека меѓу Палестинците убиени во израелскиот напад врз болницата Насер во Газа во понеделникот имало милитанти.

Израел претходно објави дека во нападот убил шестмина милитанти, но дека ги истражува околностите околу смртта на цивилите, вклучувајќи петмина новинари. 

Израелскиот премиер Бенјамин Нетанјаху го опиша нападот како „трагична несреќа“.

Во соопштението од владината канцеларија за медиуми на Хамас се наведува дека еден од шесте Палестинци, за кои Израел тврди дека биле милитанти, бил убиен во ал-Маваси, надвор од областа на болницата, а другиот на друга локација во различно време.

Владината канцеларија за медиуми не прецизираше дали двајцата кои починаа пред болницата, исто така, биле цивили.сд/

фото:ЕПА