Лондон, 15 јули 2020 (МИА) - Манчестер јунајтед ќе биде без нивниот напаѓач Мејсон Гринвуд, за време на посетата на Кристал Палас во четврток. Ова е лоша вест за Оле Гунар Солскјер, откако младиот покажува одлична форма по рестартирањето на фудбалот во Европа и по секоја веројатност Даниел Џејмс ќе започне на негово место. Повредата на Англичанецот дојде откако стрелецот имаше тежок дуел со играчот од средниот ред на Саутемптон - Ориол Ромеу. На натпреварот, Светителите земаа бод на гостувањето кај „Олд Трафорд“ со гол постигнат доцна во додаденото време на Мајкл Обафеми.