Киев, 18 август 2025 (МИА) – Три лица загинаа, а 23 се повредени по утринскиот ракетен напад врз Запорожје, соопшти гувернерот Иван Федоров преку апликацијата Телеграм.

Според Федоров, голем број од повредените се во тешка состојба, а лекарите во моментов се борат за нивните животи.

„Ова се последиците од непријателскиот напад врз Запорожје“, изјави тој.

Под медицински надзор се наоѓаат 20 лица со повреди од експлозија и рани од шрапнели, меѓу кои и 17-годишно момче. Дел од повредените се во операциони сали, а лекарите прават сè за да го зачуваат нивниот живот и здравје, додаде Федоров. ссм/

фото: Гугл мапи