Монтреал, 17 јуни 2025 (МИА) – Трката за Големата награда на Канада ќе остане во календарот на Формула 1 до 2035 година, откако денеска беше објавено продолжување на договорот за уште четири години.
Патеката „Жил Вилнев“ во Монтреал е позната по своите возбудливи трки, а овогодинешното издание донесе судир меѓу возачите на Мекларен, Ландо Норис, и Оскар Пјастри.
Патеката во Монтреал прв пат беше домаќин на трка од Формула 1 во 1978 година, а претходниот договор предвидуваше да остане во календарот до 2031 година.
„Додека Формула 1 слави 75 години постоење, симболично е што ја продолжуваме нашата соработка со Големата награда на Канада, трка богата со историја и големо значење, именувана по вистинска легенда, Жил Вилнев“, рече претседателот и извршен директор на Формула 1, Стефано Доменикали. ег
ФОТО: ЕПА