Доколку барате лесен, здрав и вкусен оброк што се подготвува за само неколку минути — овој рецепт е вистинскиот избор за вас! Тортиљите со зеленчук и сардини се совршена комбинација на свежина и хранливост, идеални за ручек на работа или брза вечера дома.

Состојки:

4 средни пченични тортиљи
1 зрел, мек авокадо
2 лажици кисела павлака
1 чешне лук
сок од ½ лимон
сол по вкус
1 лажица маслиново масло
1 свежа краставица
1 црвена пиперка
магдонос
неколку листови зелена салата
1 конзерва сардини во маслиново масло (околу 100 g)

Подготовка:
Пригответе намаз од авокадо, излупете го авокадото и ставете го во сад. Додадете го исцедениот сок од лимон, изгмечениот лук, маслиновото масло и малку сол. Измешајте добро со вилушка или со рачен блендер сè додека не добиете кремаст намаз, потот додадете ја киселата павлака и измешајте.
Исечете ја краставицата на тенки кругови, пиперката на тенки ленти, а зелената салата на ситни ливчиња или резанци.
Пред сервирање, кратко загрејте ги тортиљите на сува тава — така ќе станат помеки и полесни за виткање. На секоја тортиља нанесете слој од намазот со авокадо, наредете го свежиот зеленчук и одозгора додајте неколку парчиња сардини и неколку ливчиња магдонос. Завиткајте ја тортиљата во форма на ролна (wrap) и послужете ја веднаш.

Фото: Фрипик