Таневски поднесе оставка од тренерското место во Академија Пандев
Струмица, 14 септември 2020 (МИА) - Александар Таневски не е повеќе тренер на Академија Пандев.
- По вчерашниот пораз, шефот на стручниот штаб си поднесе оставка, која управата ја прифати. Причина за оставката се лошите резултати во воведните пет кола од стартот на новата сезона. Управата на Академија Пандев му се заблагодарува за вложениот труд и му посакува се најдобро во понатамошната кариера, соопшти струмичкиот прволигаш.
