Скопје, 3 мај 2024

Социјалистичката партија на Македонија укажува дека гласањето на 8 мај е пресудно за иднината на државата и народот во Македонија.
Народот е обединет и после 7 години бара оваа криминална влада да си оди и да бидат казнети сите кои се огрешиле од законот.

Коалицијата „Твоја Македонија“ ја започна трансформацијата на Македонија кон стабилна, транспарентна и просперитетна земја.
Со Коалицијата може да се запрат негативностите во државата што ги создадоа СДС и ДУИ. Криминалците и мафијата од овие партии мора да бидат отстранети и казнети.
Нервозата кај СДС и ДУИ се менува во страв и агресија, со закани и навреди кон Коалицијата, со лаги и клевети да го одвратат и одбијат народот да гласа за својата иднина.
Антивладиниот бран расте и се зголемува се повеќе. Тој бран јакне како отпор што носи промени за слобода и правда и за шанси за државата да се движи кон европскиот пат.
Прогарамата 1198 на Коалицијата е програма од народот која ги содржи сите негови барања и тие ветувања сигурно ќе бидат реализирани како одговор на нараснатите проблеми на граѓаните и за иднината на младите.

Социјалистичката партија на Македонија истакнува дека народот со масовна поддршка и само со гласање за кандидатите на Коалицијата „Твоја Македoнија“ ќе ја обезбеди стабилноста, иднината и просперитетот на државата.

Социјалистичка партија на Македонија 

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.