Спасовски: Сината униформа дејствува за зелена околина
- Во периодот од 2017 до јули 2022, со целосната или делумната реконструкција на 75 објекти на МВР ширум државата, во сите СВР, за првпат во историјата од МВР спроведовме мерки за зголемување н
![Спасовски: Сината униформа дејствува за зелена околина](https://mia.mk/images/20221113181903_big_730x400_55.webp )
Скопје, 18 јули 2022 (МИА) - Во периодот од 2017 до јули 2022, со целосната или делумната реконструкција на 75 објекти на МВР ширум државата, во сите СВР, за првпат во историјата од МВР спроведовме мерки за зголемување на енергетската ефикасност, за што од буџетот на МВР беа инвестирани 458.330.439 денари, напиша министерот за внатрешни работи Оливер Спасовски на неговиот фејсбук профил.
- Зелената акција која во овие неколку години ја спроведува ова раководство на МВР, е токму во насока на владините приоритети за трансформација на енергетски план и има за цел да ја подигне јавната свест кај институциите, деловните субјекти и граѓаните дека сите можат да придонесат за поголеми заштеди и заедничко менување на енергетскиот профил на државата, но и намалена загаденост на воздухот и зелена околина, објави Спасовски.
Сината униформа, пишува министерот Спасовски, дејствува за зелена околина. цр/аа/