• недела, 16 јуни 2024

Силјановска Давкова: Мора да имаме уставен патриотизам, да ги почитуваме основните одредби на Уставот

Силјановска Давкова: Мора да имаме уставен патриотизам, да ги почитуваме основните одредби на Уставот

Гевгелија, 16 април 2024 (МИА) - Мора да имаме уставен патриотизам. Мора да ги почитуваме основните одредби на Уставот, а особено Преамбулата тоа е едно мало текстче што му претходи на Уставот, ама тоа е филозофијата на Уставот, тоа е македонската уставно правна меморија. И вие не можете да менувате факти како оние од АСНОМ или како оние како се создавала македонската држава, што се случувало на 8 септември. Не можете од тоа да бегате. Зошто, инаку, никој тоа не го прави. Ако само вие го правите, сите ќе ви се чудат и нема да ве почитуваат, порача Гордана Силјановска Давкова, кандидатка за претседател на ВМРО ДПМНЕ и коалицијата од вечерашниот митинг во Гевгелија.

Таа додаде дека сите уставни измени или најголемиот дел од уставните измени до сега не се направени заради Македонија како функцинална и демократска држава, бидејќи има многу проблематични решенија во Уставот, што треба да се изменат.

-Затоа добро треба да се размисли пред секоја уставна измена. Треба да се трага по консензус и бидејќи сите сега велат дека треба уставни измени, јас еве да кажам, да, потребни се уставни изменни, ама не за преправање на преамбулата и правење од неа телефонски именик и редење на сите можни соседи, бидјеќи тоа никој не го прави, таму има други, туку за да имаме вистинска поделба на власта, за да ги утврдиме добро ингеренциите, за да утврдиме на пример, како ќе се дава мандатот за состав на влада, бидејќи сме имале проблеми, подвлече Силјановска Давкова.

Додаде дека треба еден експертски тим којшто ќе ги проучи недостатоците на Уставот и не од ден за ден, туку да подготви една поинаква уставна рамка.

-Велат, ние сме биле, односно јас сум велела дека ни треба граѓански устав и со тоа ќе сум ги заборавела Македонците. Местото на Македонците, на создавањето на македонската држава на растењето на македонската држава, е во преамбулата. И секој од вас да знае дека покрај сите промени што ги направија спротивно на народната волја има еден член 36, дека кон сите што се бореле низ историјата за независноста на Македонија оваа држава ќе има и Македонија се пишува, оваа држава ќе има посебен однос, рече Силјановска Давкова.

Праша дали таков однос имаат тие кон оние од Илинден или оние од АСНОМ. Не го гледам, вели таа посочувајќи дека „не само што ги заборавија, туку ги негираа“.

-Немаат право на тоа.Тие нас не направија горди, а овие нас не прават да немаме почит односно тие немаат почит и ги прават жртвите да не бидат горди на нас, рече Силјановска Давкова. Тоа мора да се смени, потенцираше претседателскиот кандидат на ВМРО ДПМНЕ и коалицијата.

На митингот во Гевгелија говореше и претседателот на ВМРО ДПМНЕ, Христијан Мицкоски, кој истакна дека на Македонија и треба претседател, а не, како што рече, измеќар на ДУИ.

-Затоа овие избори се и за тоа да си ја вратиме Македонија во рацете на народот. Промените се во ваши раце, за Македонија да биде повторно твоја, повторно ваша. Македонија мора да ја направиме горда. Или тие од власта или народот. Или нивна или наша заедничка, порача Мицкоски.

Тој нагласи дека 24 април е одговорот. И цврсто е уверен дека ќе им се случи народ. Затоа што предолго го потценувале и газеле. Затоа што предолго го потргнувале настрана и правеле место единствено за нивните од власта.

На вечерашниот митинг во Гевгелија говореше и носителот на пратеничката листа во четвртата изборна единица, Александар Николоски, а претходно беше одржан митинг во Валандово, каде кандидатката за претседател Гордана Силјановска Давкова се сретна со поранешениот претседател Ѓорге Иванов. рт/ев/

Фото: ВМРО - ДПМНЕ

 

 

 

 

Можно е и ова да ти се допаѓа

Остани поврзан