Семинар од проектот „Едукон“ во Меморијалниот центар на холокаустот на Евреите од Македонија
- Во Меморијалниот центар на холокаустот на Евреите од Македонија се одржа седмиот семинар од проектот „Едукон“ (EduCon), поддржан од „Хедли Траст“ (Headley Trust) од Кралството на Велика Брита
![Семинар од проектот „Едукон“ во Меморијалниот центар на холокаустот на Евреите од Македонија](https://mia.mk/images/20221114015715_big_730x400_80.webp )
Скопје, 31 октомври 2022 (МИА) - Во Меморијалниот центар на холокаустот на Евреите од Македонија се одржа седмиот семинар од проектот „Едукон“ (EduCon), поддржан од „Хедли Траст“ (Headley Trust) од Кралството на Велика Британија и Фондот на холокаустот.
Семинарот беше насловен „Интерпретација на културно наследство и музеите“, а предавач беше експертот во оваа област, Драгана Луција Ратковиќ Ајдемир.
Како што соопшти Меморијалниот центар на холокаустот, на семинарот учествуваа 19 музејски професионалци кои преку практични вежби - индивидуални и групни, усвојуваа нови вештини и алатки за интерперетација на културното наследство.
![музеј на холокауст 2](/articles/images/%d1%81%d0%b5%d0%bc%d0%b8%d0%bd%d0%b0%d1%80-%d0%be%d0%b4-%d0%bf%d1%80%d/a5BzsaUkO/placeholder.webp?use_watermark=0)
-Искуството и знаењето пренесено од Драгана Луција Ратковиќ Ајдемир беше исклучително и добредојдено за сите кои работат на интерпретација на културното наследство и се дел од некој музеј во нашава земја, соопшти Меморијалниот центар на холокаустот на Евреите од Македонија.
Менаџер на проектот „Едукон“ е Ирена Ружин, а координатор Жаклина Мучева. хс/са/