Белград, 14 ноември 2024 (МИА)  - Во Будимпешта денеска ќе се одржи втората седница на Советот за стратешка соработка меѓу Србија и Унгарија, на која ќе учествуваат претседателот на Србија, Александар Вучиќ и премиерот на Унгарија, Виктор Орбан.

Пред седницата, Вучиќ и Орбан ќе имаат посебна средба, а членовите на владите на двете земји, односно работните групи ќе имаат билатерални средби.

На седницата на Советот ќе учествуваат членови на владите на двете земји, јавија српските медиуми. зш/