Сараево, 24 септември 2024 (МИА) - Два трговски центри во Сараево денеска добиле закани со бомби, по што беа евакуирани.

Сараевските медиуми објавија дека првата дојава за бомба стигнала за „Sarajevo City Centre“ (SCC), а потоа и за „Importanne Centre“.

Овие информации ги потврди Министерството за внатрешни работи на Кантонот Сараево, кое нареди евакуација и контрадиверзни проверки на објектите.

Вчера имаше закана со бомба на сараевскиот аеродром, а потоа и дојава за бомба во авион на летот Меминген-Сараево. Подоцна се покажа дека овие закани биле лажни. ссм/

фото: архива/илустрација