Скопје, 16 ноември 2023 СООПШТЕНИЕ

Градоначалничката на Град Скопје Данела Арсовска заедно со директорката на градската библиотека „Браќа Миладиновци“ Скопје, Снежана Стојчевска го отворија реновираното Одделение за литература за деца. Одделението е модерно уредено со елементи, книги и содржини кои ќе ја поттикнат детската желба за читање и креација, а е наменето за читатели од предучилишна и училишна возраст, односно за деца до 14 години.  

-Библиотекатата „Браќа Миладиновци“ е основана пред 78 години и голема радост за сите присутни е што денес го отвораме ова реновирано одделение за литература за деца, со што ја потврдуваме нашата грижа за најмладите кои се иднината на Македонија , истакнала градоначалничката Арсовска. 

Библиотеката за следната година предвидува отворање на катче со специјални изданија на Брајово писмо за слепи и слабовидни, како и изданија прилагодени за деца и лица со дислексија. Одделот за литература за деца во градската библиотека „Браќа Миладиновци“ Скопје располага со книжен фонд од над 20.000 книги.

Град Скопје СООПШТЕНИЕ

___________________________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.