Скопје, 1 февруари 2024 (МИА) - Книгата „Долгата транзиција на Македонија: од независноста до Преспанскиот договор и потоа“ вечер, во 18 часот, ќе биде промовирана во Музејот на македонската борба за самостојност во Скопје.

Книгата е приредена од историчарот и професор од Велика Британија Роберт Хадсон и Иван Додовски, професор по критичка теорија и литература на Универзитетот Американ Колеџ Скопје. Книгата на англиски јазик ја објави академска издавачка куќа „Палгрејв Макмилан“ од Лондон.

Како што информира организаторот Универзитет Американ Колеџ Скопје, за книгата е поканет да зборува францускиот дипломат од кариера амбасадорот Ален Ле Роа.

Публикацијата нуди богата хронологија и современ научен поглед врз значајни аспекти на политичката и културната историја на државата од 1991 година до денес. Овој научен зборник содржи и поглавја за економски, безбедносни, општествени и културолошки теми за кои пишуваат и девет други научници од земјава: Стево Пендаровски, Жидас Даскаловски, Марјан Петрески, Хирије Абази-Алили, Ненад Марковиќ, Блерим Река, Марина Андева, Лорета Георгиевска-Јаковлева и Огнен Вангелов. мд/аа/

Фото: Универзитет Американ Колеџ Скопје