Скопје, 16 септември 2025 (МИА) - Претседателот на Уставниот суд Дарко Костадиновски остварил работна средба со Шефот на Канцеларијата за демократски институции и човекови права ОДИХР, Матео Мекачи, на која, како што инфрормираат, било разговарано за тековните и планираните активности на Мисијата на ОБСЕ/ОДИХР поврзани со претстојните избори.

Шефот на набљудувачката мисија, Мекачи, се вели во соопштението од Уставен, искажал особен интерес за одлуката на Уставниот суд, У.бр.186/2024 со која беа укинати член 17 и 18 од Изборниот законик. 

-Беше констатирано заемно задоволство од континуираната соработка и двајцата соговорници изразија подготвеност за понатамошна размена на информации и искуства во насока на зајакнување на владеењето на правото и демократијата во земјата, се вели во соопштението од Уставен. аа/сст/

Фото: Уставен суд