Киев, 28 јуни 2025 (МИА) – Полскиот претседател на заминување Анджеј Дуда денеска пристигна во Киев на средба со украинскиот претседател Володимир Зеленски, бидејќи Киев се обидува да изгради поддршка меѓу сојузниците во критичен момент од војната со Русија.

Дуда, гласен поддржувач на Украина, чиј мандат завршува во август, беше пречекан на железничката станица од министерот за надворешни работи Андриј Сибиха, кој го нарече полскиот лидер „вистински пријател на Украина“.

Украина се бори да се одбрани од руските напредувања на бојното поле и интензивираните ракетни и напади со беспилотни летала врз нејзините градови, додека дипломатските напори за завршување на војната, која сега е во четвртата година, пропаѓаат.

Наследникот на Дуда, новоизбраниот претседател Карол Навроцки, вели дека останува посветен на помагање на одбранбените напори на Украина, но се спротивставува на приклучувањето на Киев кон западните сојузи како што е НАТО.сд/

фото:ЕПА