Повредата на Обамејанг при грабежот на неговиот дом, може да го спречи трансферот во Челзи
Лондон, 31 август 2022 (МИА) - На напаѓачот на Барселона, Пјер-Емерик Обамејанг, му беше скршена вилицата за време на грабеж во неговиот дом, објави „The Athletic“.
Нападот се случил во понеделникот вечерта во предградие на Барселона. Се известува дека на фудбалерот ќе му треба извесно време за заздравување на скршеницата. Ова може да биде проблем за преселбата во Челзи. Времето на закрепнување зависи од тоа дали Обамејанг се согласува на операцијата.
Според шпанските медиуми ова може да потрае околу еден месец.
Обамејанг не учествуваше на натпреварот од 3. коло на шампионатот на Шпанија против Ваљадолид (4:0), но сепак беше заведен во записникот како резервен играч. зс/
