Њујорк, 12 јуни 2024 (МИА) - Истрагата на ОН заклучи дека Израел извршил злосторства против човештвото за време на војната во Газа, вклучително и она за „истребување“, истовремено нагласувајќи дека израелските и палестинските вооружени групи извршиле воени злосторства.

Извештајот на независната истражна комисија е прва длабинска истрага на Обединетите нации за настаните од војната што избувна на 7 октомври. Тие открија дека Израел извршил воени злосторства, злосторства против човештвото и кршење на меѓународното хуманитарно право и меѓународното право за човекови права.

Во извештајот е забележан „широк или систематски напад насочен против цивилното население во Газа“.

„Комисијата утврди дека се извршени злосторства против човештвото за истребување, убиство, родово прогонство насочено кон палестински мажи и момчиња, присилно раселување и тортура и нечовечко и сурово постапување“, се наведува во извештајот. паг/

Фото: МИА архива