Нутриционистите препорачуваат пет - шест јајца неделно
- Пет или шест јајца во седмицата ќе донесе максимална корист за организмот. Но, не треба да јадеме повеќе од три јајца дневно, според руската нутриционистка Александра Разаренова.
Москва, 25 март 2022 (МИА) - Кокошкините јајца се суштински дел од исхраната на луѓето. Тие се богати со протеини, калциум, фосфор, лецитин и калциферол, па јадењето пет или шест јајца во седмицата ќе донесе максимална корист за организмот. Но, не треба да јадеме повеќе од три јајца дневно, според руската нутриционистка Александра Разаренова од Рос-НДП.
- Здрав возрасен човек може да консумира до две или три јајца на ден. Белката може да ја има и во поголеми количини. Теоретски, здрав возрасен човек може да консумира повеќе јајца на ден, но јас сум повеќе за „разновидност во чинијата“. Пет или шест јајца во една седмица е добар додаток на другите основни животински протеини - месото, рибата, живина, морски плодови и намирниците на таа основа, објаснува Разаренова.
Таа ги советува луѓето кои имаат одредени болести да ја ограничат количината на јајца во исхраната.
- Лицата со хронични и акутни заболувања на гастроинтестиналниот тракт, како и оние со висока опасност од кардиоваскуларни заболувања и прекумерна тежина, треба претпазливо да консумираат јајца и да се ограничат на едно јајце на ден, рече Разаренова. си/паг/