Билбао, 16 јули 2025 (МИА) – Крилниот напаѓач на шпанската фудбалска репрезентација, Нико Вилијамс, го продолжи договорот со Атлетик Билбао до 2035 година, објави баскискиот клуб.

По неколку недели шпекулации дека можеби ќе ја продолжи кариерата во Барселона, Вилијамс на почетокот на јули објави дека останува во клубот, а Атлетик синоќа официјално потврди дека 23-годишниот крилен напаѓач ставил потпис на долгорочен договор.

„Би сакал да продолжам да пишувам историја на Сан Мамеш со навивачите и моето семејство“, изјави Нико Вилијамс за официјалниот сајт на баскискиот клуб.

„Нема ништо подобро од лов на трофеи со клубот на твојот живот“, додаде Вилијамс.

Нико Вилијамс дебитираше за сениорскиот тим на Атлетик во април 2020 година и досега одиграно 167 натпревари на кои постигна 31 гол за тимот чиј дрес го носи и неговиот Инаки Вилијамс. ег

ФОТО: ЕПА