Лондон, 9 април 2026 (МИА) – Извршниот директор на Алпин, Стив Нилсен, верува дека главната слабост на тимот за сезоната 2026 е подуправувањето при голема брзина.

- Имаме проблеми со подуправувањето при голема брзина на кои треба да се обратиме. Промените на насоката при голема брзина се веројатно најголемата слабост на автомобилот оваа година. Знаевме дека доаѓајќи во Сузука, првиот сектор ќе биде тежок, и така е. Мислам дека тоа е најголемиот одлучувачки фактор, да бидам искрен. Другите елементи изгледаат добро, конкурентно во споредба со нашите ривали, истакна Нилсен за „Motorsport Week“.

По три трки, Алпин има 16 поени - исто како и Ред Бул. Тимот користи мотори на Мерцедес, напуштајќи го својот статус како фабрички тим на Рено. 

За Алпин сезонава возат Пјер Гасли и Франко Колапинто. зс/

Фото: ЕПА