Атина, 17 март 2025 (МИА) – Најмалку седум лица го загубија животот откако потонал чамец со бегалци и мигранти во морскиот дел западно од Република Кипар, а во тек е спасувачка акција за пронаоѓање на исчезнатите лица, објавија кипарските медиуми, јави дописничката на МИА од Атина.

Кипарското издание на весникот „Катимерини“ пишува дека во чамецот се пренесувале околу 20 лица, веројатно сите сириски државјани, а тргнале од Сирија.

Медиумите на Кипар коментираат дека постои страв, бројот на загинати дополнително да се зголеми. ср/